Nos Resultadonan

Nos a mira hopi resultado signikativo

Desde di su invenshon a tratá miles di pashènt ku éksito na sentronan di BBFM rònt mundu. Despues di su promé ampliashon di New York pa Miami, Prof. Brucker a habri fasilidatnan tambe na Israel, Brasil, China, Oustria, Panamá i Alemania. E sentro Brucker Biofeedback na Kòrsou ta traha den koperashon estrecho ku e ofisina prinsipal di BBFM na Munich, Alemania.

Desde ku a establesé nos Sentro di Karibe na 2008, sentenáres di pashènt a respondé ekstremadamente bon na nos método Brucker Biofeedback. Visualisando i midiendo progreso paso pa paso ku nos tratamentu i teknologia di software avansá dirigí riba alkansá meta, hopi pashènt tabatin progreso signikativo den un periodo di tempu kòrtiku, rekobrando diferente nivel di funshonamentu.

A alkansá éksito opvio riba tereno di oumento di kòntròl i forsa di múskulo, spastisidat ku a baha, resultando den ménos dependensia di medisina i mas siguridat i stabilidat den movementu miéntras ta sinta, para i kana.

Di regreso na kas mayoria pashènt ta kontinuá ku terapia okupashonal i físiko, rekobrando i restourando funshonnan diaro i tambe nan outo-estima.

Laga nos yudá bo pa bai dilanti, restourando bo funshonnan, (re-)konstruí konfiansa, mehorando bo outo-estima i haña un goso nobo den trabou terapéutiko, miéntras bo ta eksperensiá mehoransa visibel i mihó kalidat di bida.