Nos pashèntnan

Nos ta hopi eksitoso den yuda nos pashèntnan rekobrá nan funshonnan

Situá den un butik hotèl spesialisá, Brucker Biofeedback Center Kòrsou ta yama bon biní na tur pashènt ku tin un disfunshon di múskulo, permanente òf temporal, komo konsekuensia di daño na selebre, kolumna vertebral òf otro partinan neurológiko. Nos ta trata tantu adulto komo mucha i ta proveé un ambiente ekstraordinario i inspirativo pa por rekobrá salú i un kambio positivo.

Mayoria pashènt, i nan famia, ta bini di afó pa keda un periodo kòrtiku ku nan famia òf amistatnan, kombinando e seshonnan di terapia intensivo ku un atmósfera di vakashon relahante. Nos klientenan ta inkluí alabes un kantidat kresiente di pashènt lokal. Pa sigurá un proseso di rehabilitashon fuerte i efektivo nos ta mantené un kolaborashon estrecho ku e timnan regular di médiko di nos pashèntnan.

Bishitá nos sentro Brucker Biofeedback na Kòrsou i hiba bo progreso na e siguiente nivel. Ku nos terapia basá riba evidensia, teknologia avansá i sosten entusiasmá, nos lo mustra bo kiko nos kapasidatnan ta.

Nos ta trata pashèntnan ku e siguiente diagnóstikonan ku éksito

• Bell’s Palsy / Facial Palsy
• Daño na selebre
• Leshon na rais di selebre
• Tumornan na selebre
• Palsy selebral
• Sierto malesanan neurológiko
• Ensefalitis
• Myelitis
• Spina Bifida
• Leshon na kolumna vertebral
• Stenosis vertebral
• Atake
• Leshon di deporte
• Leshon troumátiko na selebre
• Otro tipo di daño na sistema sentral di nèrvionan