Nos métodonan

Nos ta ehekutá un programa úniko pa reeduká múskulo di selebre pa restorá funshon di ‘motor’ neuron

Dr. Bernard Brucker, fundadó di laboratorio Biofeedback na University of Miami’s School of Medicine, a desaroyá un método rekonosé internashonalmente ku ta basá riba evidensia yamá ‘Brucker Biofeedback Method’. E método aki ta empleá téknika di eksaktitut pa restorá funshonnan ku individuonan ku defisiensia neurólogiko a pèrdè.

Brucker Biofeedback ta un téknika di training sutil i inovativo ku ta usa pa mehorá kòntròl di mente - kurpa. Dor di proveé suhetonan ku feedback di oudio eksterno òf feedback visual di e señalnan di mas fini di nèrvio, ku ta alkansá e múskulonan hasiendo uso di elektrode pa sinti e señalnan, biofeedback ta proveé medionan pa identifiká, duna forsa i usa e señalnan aki.

Durante di e seshonnan di terapia básikamente nos ta traha pa e pashènt bolbe haña òf mehorá e kòntròl riba su múskulonan. Ta hasi esaki dor di hasié konsiente di e konekshon entre su selebre i su múskulonan.

Pashèntnan lo traha pa aktivá nan múskulonan atraves di ehersisio di e forma korekto. Tur esaki ku e ophetivo pa rekobrá funshonnan ku e pashènt ta falta òf a pèrdè.

• Nos ta hasi e konekshon entre selebre i múskulonan visibel òf oudibel dor di pone elektrodenan na partinan relevante di e kurpa
• Di e forma aki pashèntnan ta risibí feedback kontinuo i inmediato di e progreso ku nan ta hasi. E feedback aki ta proveé un estímulo hopi poderoso pa pashèntnan perseverá i alkansá nan metanan.

Dr. Brucker (1946 – 2008) tabata un profeshonal karismátiko ku hopi amor i rèspèt pa su pashèntnan: grandi i chikí. Dirigiendo su esfuersonan na bida di esnan ku defisiensia di ‘motor’ neurológiko, ku su método inovativo yamá Brucker Biofeedback, el a sera e espasio entre siensia neurológiko i rehabilitashon i a demostrá hopi resultado signifikante i sorpresivo.

Nos sentro Brucker Biofeedback na Kòrsou a sigui hiba herensia di Dr. Brucker ku honor, yudando sentenáres di pashènt: tantu lokal komo di afó. Hospedá pa e konfortabel Dolphin Suites Hotel i trahando hopi di aserka ku Curacao Dolphin Therapy Center, nos ta proveé nos pashèntnan i nan famia ku un oportunidat úniko pa kombiná terapia intensivo ku un fakansi inspirativo den Karibe.